कविता “ठीक छ” नवराज पराजुलीको आवाजमा हालै सार्वजनिक गरिएको छ। र्याप शैली जस्तो सुनिने कवितामा नवराज पराजुलीले क्षणिक क्षण र संसारका तात्त्विक सवालहरूलाई उजागर गर्दै भनेका छन्, “मलाई ठीक हुन्छ हैन ठीक छ, क्षणिक छ तर ठीक छ, संसारमा अरू के छ जो एक क्षण भन्दा बढी टिक्छ? म सधैँभरि तिमीसँग किन हुनुपर्यो? सधैँ त सधैँसँग सधैँभरि छैन ।”
यो काव्यका लागि संगीत उत्पादन उज्वल सागरले गरेका छन् भने बासुरीको संगीत किरन बरालले प्रस्तुत गरेका छन्। भिडियोमा नवराज पराजुलीको साथमा अन्य कलाकारहरूको योगदान रहेको छ।
कविता दृश्यमा सुशील खनालले छायांकन गरेका छन्, र नितिन चौधरी सहायक छायांकनकर्ता छन्। विशेष धन्यवाद व्यक्त गर्दै नव्या नाँचघर, रिदम कंडेल, र कृपेन्द्र हुमागाईंलाई समेत उल्लेख गरिएको छ।यस परियोजनामा ब्रिज इन्टरनेशनल टिमका सदस्यहरूको योगदानले कविता उत्पादनमा महत्वपूर्ण भूमिका खेलेको छ, जसमा भुवन गिरी, महेश गिरी, र एन्ड्र्यू हप्किन्स जस्ता प्रमुख व्यक्तिहरूको नाम समावेश छ।
नवराज पराजुलीको यो कविता दर्शक र श्रोताको मन छुने विश्वास गरिएको छ।
“म सधैँभरि तिमीसँग किन हुनुपर्यो?
सधैँ त सधैँसँग सधैँभरि छैनम सबैतिर तिमीसँग किन हुनुपर्यो?
सबै त सबैसँग सबैतिर छैन
तिमीसँग मिलाउँदा मसँग नमिल्न सक्छ
दुबैसँग मिलाउँदा प्रसङ्ग नमिल्न सक्छअहिले प्रासङ्गिक छ, अहिले अँगाल्नु ठीक छ
यो अङ्गालोमा संगालुम् जे अहिलेको नजिक छतिमी र मबीच जे छ क्षणिक छ तर ठीक छ
संसारमा अरू के छ जो एक क्षणभन्दा बढी टिक्छ?तिमी र म कैले कहाँ कस्को हुन्छौ किन सोच्छौ
तिमी र म अहिले यहाँ हुनु प्राथमिक छ
तिमी र मबीच जे छ, क्षणिक छ, तर ठीक छ
संसारमा अरू के छ जो एक क्षणभन्दा बढी टिक्छ?‘मलाई ठीक हुन्छ’ हैन ‘ठीक छ’, क्षणिक छ तर ठीक छ
संसारमा अरू के छ जो एक क्षण भन्दा बढी टिक्छ?‘मलाई ठीक हुन्छ’ हैन ‘ठीक छ’, क्षणिक छ
तर ठीक छ संसारमा अरू के छ जो एक क्षण भन्दा बढी टिक्छ?”
Add comment