नेपाली चलचित्र ‘तेल भिसा’ को प्रतिक्षित गीत ‘कति रमाइलो’ हालै सार्वजनिक भएको छ।
बिपिन कार्की, बर्षा राउत, दिलीप रायमाझी, सुषिल क्षेत्री, रिचा घिमिरे, उषा पौडेल, अरुणिमा लाम्साल लगायतका चर्चित कलाकारहरूको अभिनयले सजिएको यो गीतले दर्शकहरूलाई मनोरञ्जन प्रदान गर्ने लक्ष्य राखेको छ।
गीतमा अन्जु पन्त र आशिष अविरलको सुमधुर स्वर सुन्न सकिन्छ भने शब्द एक नारायण भण्डारी र संगीत आशिष अविरलले दिएका छन्।
‘कति रमाइलो’ गीतलाई शिशिर खातीले कोरियोग्राफ गरेका छन् भने छायांकन सुशन प्रजापतिले गरेका छन्। गीतको सम्पादन अनजय खड्काले गरेका छन्।
चलचित्रको निर्देशन शंकर घिमिरेले गरेका छन्, र यस चलचित्रलाई अनिल पाण्डे र शिवराज कार्कीले निर्माण गरेका छन्। चलचित्रमा मुख्य भूमिकामा बिपिन कार्की, बर्षा राउत, पूजा चन्द, रिचा घिमिरे, बुद्धि तामाङ, फ्रान्सेस शर्मन, र ज्याक बेल देख्न सकिनेछन्।
‘तेल भिसा’ मंसिर ७ गते (नोभेम्बर २२) देखि प्रदर्शनमा आउनेछ। दर्शकहरूले वेल डन क्रिएशन्सको प्रस्तुतिमा यो मनोरञ्जनपूर्ण चलचित्र हेर्न पाउनेछन्।
Add comment