प्राकृतिक विपत्तिका कारण भदौ १९ गतेका लागि तय भएको प्रदर्शन मिति स्थगित गरिएको बहुप्रतिक्षित नेपाली चलचित्र ‘क का कि की’ अब आगामी मंसिर ११ गते देशैभरका सिनेमाघरमा प्रदर्शन हुने पक्का भएको छ।
माया इन्टरटेनमेन्ट स्टुडियोको प्रस्तुति तथा ‘कमेडी दरबार’का निर्माताहरूको निर्माणमा बनेको यस फिल्मले दर्शकमाझ ठूलो उत्सुकता पैदा गरेको छ। विके र श्रद्धाको निर्देशनमा तयार भएको यस चलचित्रमा नेपाली चलचित्र क्षेत्रका दिग्गज तथा चर्चित कलाकारहरूको जम्बो टोली रहेको छ। फिल्ममा तृप्ती नाडकर, गौरी मल्ल, रेखा थापा, महेश त्रिपाठी, दीया मास्के लगायत प्रमुख भूमिकाहरूमा देखिएका छन्। यसका साथै ‘कमेडी दरबार’ टिमका मनोज गजुरेल, शिशिर बाङ्देल, प्रकाश घिमिरे, माओत्से गुरुङ लगायतका कलाकारहरूको समेत दमदार अभिनय रहनेछ।
ओएसआर डिजिटलको आधिकारिक युट्युब च्यानलमार्फत सार्वजनिक गरिएको यस गीतमा चर्चित गायिका मेलिना राई र गायक अर्जुन सापकोटाको सुमधुर स्वर रहेको छ। यसै गीतमार्फत गायक सापकोटाले चलचित्रको पार्श्वगायनमा प्रवेश गरेका छन्। गीतमा संगीत अर्जुनकै रहेको छ भने यसका शब्द सन्तोष सापकोटाले कोरेका हुन्।
जर्सिङ पौवामा छायांकन गरिएको यस गीतको भिडियोमा गाउँघरको उत्सव, सामूहिक रमाइलो र सेलिब्रेसनलाई आकर्षक रूपमा प्रस्तुत गरिएको छ। मिग्मा डी लेप्चाको कोरियोग्राफीमा तयार भएको भिडियोमा गायक अर्जुन सापकोटासँगै सामाजिक सञ्जालमा चर्चित पवित्रा साकी (मिस पवि), सजिना खनाल र निश्चल खड्काले कम्मर मर्काएका छन्।
