प्रफुल्ल भण्डारी, धरान सुनसरी। होटेल एसोसीएसन भेडेटारको आयोजनामा एघारौ भेडेटार फुड फेस्टिबल आजबाट शुरू भएको छ।
तीन दिनसम्म जारी रहने यो महोत्सवमा सांस्कृतिक, सांगीतिक कार्यक्रम, हेली टूर, जीप लाइन, स्थानीय जातिय खानेकुराका परिकारहरु, कृषि प्रदर्शनी, प्याराग्लाईडिङ लगायतका आकर्षण रहने बताईएको छ। धरानका द क्राइसिस ब्यांड र द पाराडाईज ब्यांडको सांगीतिक प्रस्तुति रहने यो फेस्टिबलको सहआयोजक श्री पाथिभरा क्लब आमा समूह, नेष्ट र नागरिक समाज भेड़ेटार रहेका छन।
साहसिक खेल मध्येको प्याराग्लाईडिङ खेल समेत भेडेटार फुड फेस्टिबलमा छूट सहित राखीएकोबारे धरान स्काई एडभेन्चरका सन्चालक रोशन अधिकारीले भने “ आधा घण्टासम्म भेडेटार क्षेत्र आकाशबाट अवलोकन गर्दा पक्कै तपाईलाई रोमांचक र यादगार अनुभव हुनेछ।”
