‘पूर्णबहादुरको सारङ्गी’ पछि ‘सिन्दुरे जात्रा’ मा फेरि जम्यो विजय र अञ्जनाको जोडी

आगामी मंसिर १८ गतेदेखि प्रदर्शनमा आउने चलचित्र ‘सिन्दुरे जात्रा’ को गीत ‘बाँसैको सुप्लाखे’ ले दर्शकको मन जितेको छ। युट्युबमा चौबिस लाखभन्दा बढी पटक हेरिएको यो गीत टिकटकमा समेत २० हजार बढी भिडियोमा प्रयोग भइसकेको छ।

प्रशान्त सिवाकोटीको संगीत तथा सुरज गैरे विवशको शब्द रहेको गीतमा सिवाकोटी र मेलिना राईको सुमधुर स्वर सुन्न सकिन्छ। प्रेम, लाज र विश्वासको भाव समेटिएको भिडियोमा ‘पूर्णबहादुरको सारङ्गी’ को ब्लकबस्टर जोडी विजय बराल र अञ्जना बराइलीको आकर्षक नृत्य देख्न सकिन्छ। सरोज पौडेलको निर्देशनमा बनेको यस चलचित्रको गीतले प्रदर्शनअगावै दर्शकमाझ उत्साह जगाएको छ।