‘कमल फूल’ लिएर आए यावेश थापा

गायक तथा सङ्गीतकार यावेश थापाको नयाँ गीत ‘कमल फूल (डाँडापारी कान्छी)’ को अफिसियल लिरिक भिडियो सार्वजनिक भएको छ। उनको युट्युब च्यानलमार्फत रिलिज गरिएको यो गीतले युट्युबमा १० लाख भन्दा बढी भ्युज पाइसकेको छ।

दर्शकताका र सामाजिक सञ्जालको मागलाई ध्यानमा राख्दै यो गीत चाँडै तयार पारेर दशैंको अवसरमा दर्शकमाझ ल्याइएको यावेशले बताएका छन्। यस गीतको लेखन, सङ्गीत, उत्पादन र स्वर स्वयं यावेश थापाकै रहेको छ ।

साथै, यावेशले आगामी नोभेम्बर-डिसेम्बर महिनामा ‘नेपाल टुर’ को समेत घोषणा गरेका छन्।