वैवाहिक जीवनको यथार्थ र भावीको लेख समेटिएको विष्णु माझीको ‘घरबार’ चर्चामा

गायिका विष्णु माझीको नयाँ तीज गीत ‘घरबार’ (पुतलीको भट्टी भाग–२२) सार्वजनिक भएको छ। हरितालिका तीजको अवसरमा सपना म्युजिक इन्डस्ट्रिजबाट रिलिज गरिएको यस गीतमा वैवाहिक जीवनको यथार्थ र चेलीको माइतीप्रतिको प्रगाढ माया प्रस्तुत गरिएको छ।

यस गीतले रिलिजको पहिलो हप्तामै ५५ लाख बढी भ्युज बटुल्दै युट्युबमा चर्चामा रहेको छ। हरितालिका तीजको अवसरमा ल्याइएको यस गीतमा वैवाहिक जीवनको यथार्थ र चेलीको माइतीप्रतिको प्रगाढ माया प्रस्तुत गरिएको छ।

गीतमा “नझारेसम्म सिरैको केस, चेलीलाई प्यारो माइतीको देश” र “छैठीमा लेख्ने भावीलाई माने” जस्ता मार्मिक शब्दमार्फत विवाहपछिको दुख-सुख र नियतिलाई उजागर गरिएको छ।

सुन्दरमणि अधिकारीको शब्द तथा संगीत रहेको गीतमा यम थापा मगरको एरेन्ज छ। सारंगी, बाँसुरी, सहनाई र मादलको प्रयोगले गीतलाई मौलिक लोकस्वाद दिएको छ।

मौसम हिमालीको कोरियोग्राफी र शम्भु चालिसेको छायांकन रहेको भिडियोमा ललिता पौडेल, पारिसा कडेल र महिमा आचार्यको अभिनय छ। सुन्दरमणि अधिकारीको निर्देशनमा बनेको यो गीत सार्वजनिक भएसँगै दर्शक-श्रोतामाझ निकै लोकप्रिय बनेको छ।