मगर समुदायको भेषभूषा र संस्कृति समेट्दै सार्वजनिक भयो प्रकाश दुतराजको ‘शिरमै फूल माया’

लोकप्रिय गायक प्रकाश दुतराजको नयाँ साङ्गीतिक सौगात शिरमै फूल माया (सुगा चरी) सार्वजनिक भएको छ।

दशैंको अवसर पारेर युट्युबमार्फत सार्वजनिक गरिएको यस गीतले छोटो समयमै दर्शक-स्रोताको अत्यधिक माया बटुलेको छ। गीतमा प्रकाश दुतराज, मेलिना राई र शान्तिश्री परियारको सुमधुर स्वर रहेको छ भने शब्द तथा सङ्गीत स्वयम् प्रकाश दुतराजले नै सिर्जना गर्नुभएको हो।

यस साङ्गीतिक भिडियोमा मुख्यतया पश्चिम नेपालको मगर समुदायको मौलिक कला, संस्कृति, रीतिरिवाज र परम्परागत पहिचानलाई सुन्दर ढङ्गले झल्काइएको छ। कास्कीको आटीघर गाउँ तथा आसपासका रमणीय क्षेत्रमा छायाङ्कन गरिएको यस भिडियोमा प्रकाश दुतराज र तनु बलाम मगर लगायतका कलाकारहरूको उत्कृष्ट अभिनय रहेको छ।

दर्शकहरूले यसलाई मौलिक नेपालीपन र चाडपर्वको झल्को दिने उत्कृष्ट कोसेलीका रूपमा प्रशंसा गरेका छन्।