नेपाली चलचित्र ‘चिरञ्जीवी भव’ को रोमान्टिक गीत ‘के त माया (जाले रुमाल)’ ओएसआर डिजिटलमार्फत सार्वजनिक भएको छ। आगामी माघ १ गते (माघे सङ्क्रान्ति) प्रदर्शन हुने यो फिल्मको गीतले रिलिजलगत्तै दर्शकको ध्यान खिचेको छ।
दीपक प्रसाद आचार्यको शब्दरचना रहेको यस गीतमा बाबुल गिरीको सङ्गीत, एरेञ्ज तथा गायनमा रामचन्द्र काफ्ले र रचना रिमालले साथ दिएका छन्। गम्भीर विष्टको कोरियोग्राफी रहेको भिडियोमा हरिवंश आचार्य, करिश्मा मानन्धर, आशिर्वाद बराल क्षेत्री, प्रशंसा रायमाझी लगायतका कलाकारहरूको जीवन्त र आकर्षक नृत्य तथा अभिनय देख्न सकिन्छ। शिवराम श्रेष्ठको डिओपी र मित्र डि गुरुङको सम्पादन रहेको भिडियोले दर्शकमाझ चलचित्रप्रति उत्साह थपेको छ।
Add comment