इमानदार मानिसको संघर्ष र समाजको कठोर रूपको कथा- ‘प्रकाश’ युट्युबमा

ओएसआर डिजिटलको युट्युब च्यानलमार्फत चलचित्र ‘प्रकाश’ सार्वजनिक भएको छ। चलचित्रमा प्रदीप खड्का, दिया मास्की, प्रकाश घिमिरे, राजन खातीवडा, अम्जद प्रवेज़ र रेनु योगी लगायत चर्चित कलाकारहरूको आकर्षक अभिनय रहेको छ।

फिल्मको कथा सुरु हुन्छ एक आत्मविश्वासी युवक “प्रकाश” को माध्यमबाट, जसले आफ्नो पुरानो पहिचान र पारिवारिक जिम्मेवारीबीचको द्वन्द्वलाई सामना गर्छ। उसले आफ्नो समाजमा इमानदारी र श्रममार्फत स्थापित हुन चाहन्छ, तर अप्रत्याशित परिस्थितिहरूले उसको सङ्घर्ष थप पेचिलो बनाउँछ।
फिल्मले देखाउँछ — अलिक पैसा र शक्ति भएको सामन्ती वर्गहरूले सिधा–सादा मान्छेहरूलाई कसरी विभेद गर्छन् र नेपालमा सरकारी जागिर खानका लागि पैसा र पहुँच नभए कति गाह्रो पर्छ भन्ने यथार्थलाई।

निर्देशक दिनेश राउतको कुशल निर्देशनले यो कथावाचक सिनेमालाई एक समावेशी, मनोरञ्जनात्मक र भावनात्मक अनुभवका रुपमा प्रस्तुत गरेको छ। लेखनमा लेखक विकास सुवेदीले पात्रहरूको भावनात्मक सम्बन्धलाई प्राकृतिक र दृश्यात्मक रुपमा समेट्ने प्रयास गरेका छन्।