मौलिकता र पारिवारिक स्नेहले भरिएको पशुपति शर्मा र अन्जिताको नयाँ दशैं गीत बजारमा

नेपाली साङ्गीतिक क्षेत्रमा चाडपर्वको उल्लास थप्दै चर्चित गायक पशुपति शर्मा र गायिका अन्जिता विश्वकर्माको स्वरमा नयाँ दशैं-तिहार विशेष गीत ‘दशैं आयो तिहारै आयो’ सार्वजनिक भएको छ।

मौलिक लोकसंस्कृति, मादल तथा बाँसुरीको सुमधुर धुन र पारिवारिक स्नेह झल्काउने यस भिडियोले दर्शक तथा स्रोताबाट व्यापक प्रशंसा बटुलिरहेको छ। परदेशमा रहेका नेपालीहरूको मन छुने र चाडपर्वको माहौल तताउने यो साङ्गीतिक कोसेलीले यस वर्षको देउसी भैलो तथा दशैं–तिहारको रौनकलाई अझ बढी जीवन्त बनाउने अपेक्षा गरिएको छ।

मेशना म्युजिकको आधिकारिक युट्युब च्यानलमार्फत सार्वजनिक यस गीतमा रोशन परियारको मर्मस्पर्शी शब्द तथा सङ्गीत रहेको छ भने महेन्द्र भण्डारीले यसको एरेञ्ज गरेका छन्। स्मृति तिमिल्सिना (गुरुआमा) को निर्देशनमा तयार भएको यस भिडियोमा विमल अधिकारी र पार्वती श्रेष्ठको अभिनय देख्न सकिन्छ।