कहिलेकाहीँ संगीत एउटा गीत मात्र हुँदैन — त्यो एउटा जीवन, एउटा पीडा, र एउटा संकल्पको बयान हुन्छ। भीटेन (समीर घिसिङ) को नयाँ र्याप गीत “स्ट्रेन” त्यही किसिमको दस्तावेज बनेको छ।
“स्ट्रेन” शब्दले नै सन्देश दिन्छ — तनाव, संघर्ष, र जीवनका खाडलहरू। भीटेनले गीतको लिरिकल फ्लो मा आफ्ना पुराना गल्तीहरू, अफसोस, समाजको नजर, र आत्मचिन्तनलाई र्याप शैलीमा पोखेका छन्। सुरुमा सुस्केराजस्तो लयबाट शुरू भएको गीत क्रमशः आत्मस्वीकृति र आत्मसुधारको स्वरमा बदलिन्छ। यो गीत जति सुनिन्छ, उति गहिरो अर्थ खुल्दै जान्छ — जसरी एकजना व्यक्तिले अँध्यारोबाट उज्यालोतर्फको यात्रा तय गर्छ।
गीतको भिडिओ निर्देशन गरेका छन् निकेश श्रेष्ठ, जसले टेक्ससको दृश्यमा भीटेनको कथा पक्कै नेपाली मात्र होइन, अन्तर्राष्ट्रिय दर्शकले पनि महसुस गर्ने गरी उतारेका छन्। सुनसान सडक, थाकेका पाइला, र आत्ममन्थनले भरिएको भिडिओले गीतलाई संगीतभन्दा बढी अर्थ दिएको छ।
Add comment