हुम्लाकी दीपिकाको स्कुल यात्रा र कर्णालीको यथार्थ

नेपालको लोकप्रिय वेब शृङ्खला ‘हेर्ने कथा’ को १७४औँ भाग ‘दीपिका स्कुल जान्छिन्’ युट्युबमा सार्वजनिक भएको छ। विद्या चापागाईंको प्रस्तुति र कमल कुमारको निर्देशनमा तयार पारिएको यस नयाँ अङ्कमा हुम्ला जिल्लाको विकट सर्किगाड गाउँपालिकास्थित रिप गाउँकी सानी बालिका दीपिकाको अध्ययन यात्रा र दैनिकीलाई मार्मिक रूपमा चित्रण गरिएको छ।

कर्णाली पारिको गाउँबाट जोखिमपूर्ण यात्रा गर्दै विद्यालय पुग्नुपर्ने कर्णालीका बालबालिकाको यथार्थ, भौगोलिक कठिनाइ र स्थानीय समुदायको जीवनशैलीलाई वृत्तचित्रमा जीवन्त रूपमा देखाइएको छ। सार्वजनिक भएसँगै यस वृत्तचित्रलाई दर्शकहरूले अत्यधिक मन पराएका छन्।