काठमाडौं, असोज १४ – नेपाली सिने जगतमा बहुप्रतीक्षित चलचित्र महापुरुष युट्युबमा सार्वजनिक गरिएको छ। केंद्र मोशन पिक्चर्सले प्रस्तुत गरेको यो चलचित्र सार्वजनिक भएदेखि दर्शकको अत्यधिक माया पाउँदै ११ लाखभन्दा बढी भ्युज बटुल्दै नेपाली दर्शकको मन जितिरहेको छ।
चलचित्रमा प्रमुख भूमिकामा मह जोडी अर्थात् हरिबंश आचार्य र मदनकृष्ण श्रेष्ठ, साथै गौरी मल्ल, अरुण क्षेत्री, अञ्जना बराईली लगायतका चर्चित कलाकारहरूको अभिनय रहेको छ। शतकॉन आर्ट्सद्वारा निर्मित यो चलचित्रमा रबिन्द्र सिंह बानिया, राजाराम पौडेल, सिरु बिष्ट, शिखा तामाङ, सविन बस्तोलाको समेत अभिनय रहेको छ।
चलचित्रलाई प्रदीप भट्टराईले लेखन तथा निर्देशन गरेका हुन् भने दीपक बज्राचार्यले सिनेमाटोग्राफी गरेका छन्। रोहित शाक्य र शैलेश श्रेष्ठको ब्याकग्राउन्ड स्कोरले चलचित्रलाई अझ रोमाञ्चक बनाएको छ। चलचित्रको सम्पादन मित्र डी. गुरुङले गरेका छन्।
युट्युबमा सार्वजनिक चलचित्र “महापुरुष “बारे कार्यकारी निर्माता रबिन्द्र सिंह बानियाले भनेका छ्न- “महापुरुष हल हलमा मन पराईदिनु भो अब घर घर मा पनि मन पराउनु हुनेछ भन्नेमा ढुक्क छौ।”
Add comment