छाता मुनी ओत ला’को तिमीलाई देखें
के सोचेंछु खैं कुन्नी मिलनको गीत लेखें ।
नसकिने रैंछ हेर तिमी विना बस्न
अब मैले थालिसकें मिलनको गीत रच्न ।
हामी दुईलाई छुटाउने हस्त रेखा मेटें
के सोचेंछु खैं कुन्नी मिलनको गीत लेखें ।
ज्यानै धितो राखेर नि तिम्रो माया किन्छु
सयौं जुनी बसे पनि दिलमा वास दिन्छु ।
धड्कन सगैं तिमीलाई मुटु भित्र भेटें
के सोचेंछु खैं कुन्नी मिलनको गीत लेखें ।
तिमी बारे धेरै कुरा सोच्न अब छोडें
सुन्दर फुलको वास्ना मार्ने अरु फुल गोडें ।
ढिलो भा’को मनको तार, सुर निकाली रेटें
के सोचेंछु खैं कुन्नी मिलनको गीत लेखें ।
नारायणसिंह गुरुङ
मेरिल्यान्ड , अमेरिका ।
![](https://i0.wp.com/nepalilive.com/wp-content/uploads/2020/11/359262DA-B51D-414B-8EEB-CBE3960CF268.jpeg?resize=1024%2C735&ssl=1)