नेपाली फिल्म उद्योगमा नयाँ उत्साह थप्दै, बहुप्रतिक्षित नेपाली कथानक चलचित्र ‘कुमारी’को पहिलो गीत “कता छौ मेरो फूल” सार्वजनिक भएको छ।
सार्वजनिक गीतले युवा दर्शकहरूलाई लक्षित गरेको छ, जसमा प्रेम र रोमान्सका साथै पारिवारिक भावनालाई समेत समेटिएको छ। केहर सिङ लिम्बुको सुमधुर स्वरले सजिएको यस गीतमा सुमन तामाङ, युवराज काफ्ले र सागर लामिछाने मगरको संयुक्त शब्द रचना रहेको छ। संगीत संयोजनको जिम्मेवारी भने एस्थर रिजानले कुशलतापूर्वक निभाएका छन्।
गीतको भिडियोमा अभिनेता अभिषेक खड्का र अभिनेत्री आकृति राजभण्डारीको अभिनय देख्न सकिन्छ। उनीहरू बीचको अनस्क्रिन केमेस्ट्रीले गीतलाई थप भावनात्मक र आकर्षक बनाएको छ।
दिनेश राउतले निर्देशन गरेको यस चलचित्रका निर्माता महेन्द्र अधिकारी हुन्। विकास सुवेदीको कथामा आधारित ‘कुमारी’लाई सिनेमाटोग्राफर सुषन प्रजापतिले खिचेका हुन् भने सम्पादन तथा कलरिङ सुप्रिम पराजुलीले गरेका छन्।
चलचित्र ‘कुमारी’ आगामी २३ माघ २०८२ देखि देशभरका सिनेमाघरहरूमा प्रदर्शनमा आउने तयारीमा रहेको छ।
Add comment