नेपाली चलचित्र ‘अभिमन्यु – च्याप्टर १’ आज (बिहिवार) बाट देशभरका हलहरूमा प्रदर्शन हुँदैछ।
पहिलो दिन ८६ शो सहित फिल्मले हलहरूमा राम्रो भीड तान्न सफल भयो। दाइजो विषयलाई थ्रिलरमा बुनेको कथा पारिवारिक फिल्मको ढाँचामा सीमित दर्शकका लागि आकर्षक विकल्प बन्न सक्छ।
फिल्ममा कमलेश्वर चौरासिया, गौमाया गुरुङ, लक्ष्मी बर्देवा, सरिता गिरी, प्रकाश दाहाललगायतका कास्टले कथालाई बलियो बनाउने विश्वास निर्माण गरेको छ। ट्रेलरमा देखाइएको संघर्ष, रहस्य र भावनात्मक क्षणहरूले चलचित्रले ड्रामा, थ्रिल र कमर्शियल मनोरञ्जनको मिश्रण दिने संकेत गर्छ। निर्देशक सुशान्त गौतमले प्रस्तुत गरेको दृष्य शैली, सरद महतोको सिनेम्याटोग्राफी, र सशक्त ब्याकग्राउन्ड स्कोरले फिल्मलाई प्रिमियम फिनिस दिएको टिप्पणीहरू सार्वजनिक प्रतिक्रियामा देखिन्छन्।
नेपाली चलचित्र अभिमन्यु – च्याप्टर १ को रोमान्टिक भावनाले भरिएको गीत “मरौँ ज्यानले” सार्वजनिक भएको छ । यो गीतमा सुशान्त गौतमको मन छुने स्वर र संगीतको उत्कृष्ट संयोजन देखिन्छ भने सुरेश बादलका शब्दहरूले प्रेमको गहिरो अनुभूति प्रस्तुत गर्छन् ।
Add comment